15 dekabr 2009-ci il tarixdə, saat 10:00-da (yerli vaxtla) Azərbaycan Milli Elm Fondu (AMEF), Azərbaycan Milli Elmlər Akademiyası (AMEA) və ABŞ-ın Mülki Tədqiqatlar və İnkişaf Fondu (MTİF), AMEF-in irəli sürdüyü Bakıda müasir tədqiqat mərkəzinin yaradılması təşəbbüsünü açıqlamaq məqsədi ilə “İnkişaf və İnnovasiya: İnnovativ Tədqiqatlar üçün Elmi Mərkəz (İTEM) ”  adlı konfransa ev sahibliyi edəcəklər.

Tədbir AMEA-nın İstiqlaliyyət küçəsi, 10 ünvanında yerləşən Rəyasət Heyətinin binasında keçiriləcəkdir.
Konfransda  MTİF-in Baş Proqram Rəhbəri Dr.Charles Dunlap-ın, AMEF-in Direktoru  Fuad İsmayılovun, Azecolab-ın Direktoru Bəhruz Süleymanovun və Azərbaycanın elm və texnologiya sahəsinin digər tanınmış simalarının çıxışları gözlənilir.

Öz Elmi və Texnoloji Sahibkarlıq Proqramı vasitəsilə MTİF yerli tədqiqatçılara işgüzar təlim təchiz edir və öz potensial şəriklərinə yerli işgüzar icmanı təqdim edir. Buna əlavə olaraq, bu proqram Azərbaycan sahibkarları/şirkətlərinin işgüzar planlarının peşəkar yoxlanışlarını təmin etməklə, dəqiq təqdimatlar, prospektiv texnologiyalarının icmalını hazırlamağa yardım etməklə və öz konsepsiyalarını beynəlxalq sərmayəçi auditoriyası və potensial strateji işgüzar şəriklərin qarşısında təqdim etmək üçün təlim keçməklə onların iş təcrübəsini dəstəkləyən təhsil mühiti təklif edir. Təlimin keçirilməsinə amerika mütəxəssisləri cəlb ediləcək.

MTİF, Azərbaycan Milli Elmlər Fondu (AMEF) və Azərbaycan Təhsil Nazirliyi (ATN) elmi tədqiqatları təhsil planına daxil etmək və gənc tədqiqatçılara biologiya, kimya və geologiya sahəsində yeni imkanlar verəcək müasir, avadanlıqda tam təchiz edilmiş, fakültələrarası mərkəzi yaratmaq üçün Bakı Dövlət Universitetinə 300,000 ABŞ dolları qrant ayırdı; bu fondun 50% ATN tərəfindən edilmişdi. Bu layihənin qısa təsviri aşağıda verilmişdir.

2006-cı ildə Azərbaycan Milli Elmlər Akademiyasının dörd aparıcı institutunda (Botanika İnstitutu, Neft-Kimya İnstitutu, Geologiya İnstitutu və Şamaxı Astronomik Rəsədxanası) laboratoriyaların hər biri öz avadanlığını təkmilləşdirmək üçün MTİF-n 40,000 ABŞ dolları qrant aldı. Bu vəsaiti almış müəssisələr proqramın məqsədinə nail oldular və öz laboratoriyalarını müvəffəqiyyətlə təkmilləşdirdilər.