MTİF Elm və Texnologiya üzrə Sahibkarlıq Proqramı

ABŞ Mülki Tədqiqat və İnkişaf Fondu (MTİF) 2010-cu ilin 1-2 iyul tarixlərində Azərbaycanın paytaxtı Bakı şəhərində, AMEA-nın Prezidiumun binasında, 10 komanda üçün (hər komandada 1-2 iştirakçı olmaqla) Texnoloji Sahibkarlıq Seminarı keçirəcək. Seminarda iştirak etmək üçün son Müraciət Tarixi 18 iyun 2010-cu ildir.

Seminar müsabiqə baxımından öz yeni kəşflərindən mənfəət götürmək və məhsuldar müəssisələrini inkişaf etdirməkdə maraqlı olan alimlər, mühəndislər, ixtiraçılar, tədqiqatçılar və texnoloji sahibkarlar üçün açıqdır. Ərizə formaları nəzərdən keçiriləcək və seminar iştirakçıları aşağıdakı Uyğunluq və Qiymətləndirmə Meyarları Proqramına əsasən müəssisə rəhbəri və sahibkarlar siyahısına əsasən seçiləcəkdir.

15 dekabr 2009-ci il tarixdə, saat 10:00-da (yerli vaxtla) Azərbaycan Milli Elm Fondu (AMEF), Azərbaycan Milli Elmlər Akademiyası (AMEA) və ABŞ-ın Mülki Tədqiqatlar və İnkişaf Fondu (MTİF), AMEF-in irəli sürdüyü Bakıda müasir tədqiqat mərkəzinin yaradılması təşəbbüsünü açıqlamaq məqsədi ilə “İnkişaf və İnnovasiya: İnnovativ Tədqiqatlar üçün Elmi Mərkəz (İTEM) ”  adlı konfransa ev sahibliyi edəcəklər.

Tədbir AMEA-nın İstiqlaliyyət küçəsi, 10 ünvanında yerləşən Rəyasət Heyətinin binasında keçiriləcəkdir.
Konfransda  MTİF-in Baş Proqram Rəhbəri Dr.Charles Dunlap-ın, AMEF-in Direktoru  Fuad İsmayılovun, Azecolab-ın Direktoru Bəhruz Süleymanovun və Azərbaycanın elm və texnologiya sahəsinin digər tanınmış simalarının çıxışları gözlənilir.

İşgüzar Əməkdaşlıq Proqramının Tədbir Konfransı 10 dekabr 2008-ci il tarixdə Bakı şəhırində Azərbaycan Milli Elmlər Akademiyasının konfrans zalında keçirildi. Azərbaycan Milli Elm Fondu (AMEF) bu Konfransı ABŞ Mülki Tədqiqat və İnkişaf Fondu (MTİF) ilə birgə təşkil etdi.

Konfransın məqsədi şirkətlər və tədqiqatçı/alim qrupları arasında tədqiqat və inkişaf əməkdaşlığını həvəsləndirməklə hər iki tərəf üçün iqtisadi mənfəətin yeni işgüzar imkanlarını yaratmaqdır. Seminar 50 alimi bir yerə topladı.

Konfransda ABŞ Mülki Tədqiqat və İnkişaf Fondunun CIB&I Baş Proqram Meneceri Natalya Pipia, Proqram Menecerinin Köməkçisi Meqqi Sobotka və Texnologiyaların İstehsal Tətbiqi üzrə Baş Əlaqələndiricisi Skot Makfarleyn iştirak edirdi.

Azərbaycan Milli Elm Fondu (AMEF) Azərbaycan Milli Elmlər Akademiyasının Rəyasət Heyətində keçiriləcək İşgüzar Əməkdaşlıq Proqramının Tədbir Konfransını elan edir

10 dekabr 2008-ci il, səhər 9:00. Bakı, Azərbaycan

ABŞ Mülki Tədqiqat və İnkişaf Fondu (MTİF), Azərbaycan Milli Elm Fondu, Azərbaycan Milli Elmlər Akademiyası və Azərbaycan Respublikası Rabitə və İnformasiya Texnologiyası Nazirliyi tərəfindən aparılan İşgüzar Əməkdaşlıq Qrant Müsabiqəsi şirkətlər və tədqiqatçı/alim qrupları arasında tədqiqat və inkişaf əməkdaşlığını həvəsləndirməklə hər iki tərəf üçün iqtisadi mənfəətin yeni işgüzar imkanlarını yaradır. ETSP İşgüzar Əməkdaşlığı üzrə Qran Müsabiqələrinin son mərhələsi Tədbir Konfransı olacaq. 

Azərbaycan Milli Elmlər Akademiyası (AMEA) və Azərbaycan Milli Elmlər Fondu (AMEF) akademik H. Abdullayev adına mükafata layiq görülmüş 15 qalibin adını elan edir.